«АС СТРОЙ КАЗАХСТАН» ЖШС AgroWorld Qazaqstan 2026 көрмесінде агронысандар салуға арналған шешімдерін ұсынады

AgroWorld Qazaqstan 2026 көрмесінің қатысушысы — «АС Строй Казахстан» ЖШС — ауыл шаруашылығы, өндіріс және логистика салаларына арналған тез салынатын ғимараттарды жобалау және салу технологияларын ұсынады. Компания Қазақстанның барлық өңірлерінде жобалық құжаттаманы әзірлеуден және металл конструкцияларын өндіруден бастап, материалдарды жеткізу мен монтаждауға дейінгі жобаларды жүзеге асырады.

Оңтайландырылған металл қаңқалы тез салынатын ғимараттар

«АС Строй Казахстан» технологиясының негізінде ауыспалы қималы дәнекерленген қос таврлы арқалықты қолдану жатыр. Бұл металл көлемін конструкцияға түсетін нақты жүктемелерге сәйкес тиімді бөлуге мүмкіндік береді. Жүктеме жоғары аймақтарда қима үлкейтіледі, ал жүктеме төмен жерлерде оңтайлы мөлшерге дейін азайтылады.

 

Компанияның мәліметінше, мұндай тәсіл қаңқаның металл сыйымдылығын 25–30%-ға дейін төмендетуге, құрылыс құнын оңтайландыруға және монтаждау мерзімін қысқартуға мүмкіндік береді. Ауданы 1 000 м² ғимараттың металл қаңқасын құрастыру орта есеппен 4–7 күнді алады.

Болтты қосылыстар қажет болған жағдайда ғимараттың негізгі көтергіш конструкциясын толық ауыстырмай-ақ оны бөлшектеуге, қайта жаңғыртуға және кеңейтуге мүмкіндік береді. Аралық бағандардың болмауы кеңістікті еркін жоспарлауға және ірі габаритті техника мен жабдықтарды орналастыруға жағдай жасайды.

Ауыл шаруашылығы мен өндіріске арналған шешімдер

«АС Строй Казахстан» келесі нысандарды жобалап, салады:

• жануарларды ұстауға және ауыл шаруашылығы өнімдерін сақтауға арналған ауыл шаруашылығы нысандары;
• аралығы 36 м-ге дейінгі ангарлар;
• ауданы 500 м²-ден басталатын қоймалар;
• өнімді сақтау және шоктық мұздатуға арналған тоңазытқыш кешендері;
• доктар мен рампаларға арналған аймақтары бар логистикалық орталықтар;
• өндірістік және басқа да тез салынатын ғимараттар.

Әрбір нысан үшін компания мамандары ғимараттың мақсатын, жабдықтардан түсетін жүктемені, температуралық режимді, сондай-ақ өңірдің қар және жел жүктемелерін ескере отырып, конструкцияның есептеулерін жүргізеді.

Жобалаудан монтаждауға дейін

Компания жобалау, металл қаңқасын өндіру, сэндвич-панельдер, профнастил және жинақтаушы бөлшектерді жеткізу, сондай-ақ ғимаратты монтаждау бойынша толық қызмет кешенін ұсынады.

Металл конструкциялары компанияның өз өндірісінде дайындалады. Өндіріс барысында материалдардың сипаттамалары, конструкциялардың геометриясы және дәнекерленген қосылыстардың сапасы бақыланып, элементтерге коррозияға қарсы өңдеу жүргізіледі.

Қоршау конструкциялары үшін нысан орналасқан өңірдің климаттық жағдайлары мен пайдалану режимін ескере отырып, қажетті қалыңдықтағы және тиісті жылу оқшаулағышы бар энергия тиімді сэндвич-панельдер таңдалады. Бұл жылу шығынын азайтуға және ғимаратты жылытуға жұмсалатын кейінгі шығындарды оңтайландыруға мүмкіндік береді.

«АС Строй Казахстан» ЖШС мамандары AgroWorld Qazaqstan 2026 көрмесінде өз стендінде келушілерді күтеді. Мұнда құрылыс технологиялары туралы толығырақ ақпарат алып, болашақ нысанның міндеттерін талқылап, нақты шаруашылыққа немесе өндіріске сәйкес келетін шешімді таңдауға болады.

📅 28–30 қазан 2026 жыл
📍 Алматы, «Атакент» КІЫО, СТЕНД 9-313, павильон 9.